Últimas Noticias avqustun 1-də bildirib ki, Venesuela və İran arasında kənd təsərrüfatı sazişi Tehrana Venesuela ərazisində bir milyon hektar torpaq becərməyi nəzərdə tutur.
İyulun sonunda İranın daxili işlər nazirinin iqtisadi məsələlər üzrə müavini Möhsün Kuşki Tabarın verdiyi məlumata görə, Venesuela və İran arasında kənd təsərrüfatı sazişi Tehranın bir milyon hektar ərazini becərməsini nəzərdə tutur.
Tabar qeyd edib ki, dünyanın strateji ərzaq böhranının zirvəsində əldə edilmiş razılaşma “güclü və böyük İranın digər ölkələrin müraciət etdiyi bilik mübadiləsi səviyyəsinə çatdığını” göstərir.
Qeyd olunur ki, saziş iyun ayında Venesuela prezidenti Nikolas Maduronun Tehrana səfəri zamanı imzalanmış 20 illik əməkdaşlıq planının bir hissəsidir. İmzalanma mərasimində İran prezidenti İbrahim Rəisi və Venesuela prezidenti Nikolas Maduro şəxsən iştirak ediblər.
Bundan əvvəl bildirilmişdi ki, Venesuelanın elm və texnologiya naziri Qabriela Ximenez avqustun 1-də İranın Kənd Təsərrüfatı Biotexnologiyaları İnstitutuna səfər edib.